U poeta nta chiazza
Il poeta in piazza
Braccianti,
compagni,
òmini e fìmmini, arrivò u poeta;
vi purtavu a virità nte chianti di manu,
pighiativilla.
A virità leva a siti,
allarga u cori; grapi strati e paesaggi
e nzigna a via da libirtà, non vu scordati.
U fici Omeru
u pueta greco
trimmila anni fa
prima di mia stu misteri;
u fici Cristu
e muriu poviru
sinceru
e maluvistu.
E' comu u suli a virità
ma i nganna-populu v'ammuccianu,
non la dicinu,
non la predicanu nte chiazzi;
e ristati o scuru,
ntall'aria
vacanti comu i balluna.
Vonnu u votu
e i putiri eternu
i nganna-populu;
vonnu i travagghiatura suttamisi
chi calanu e ghisanu a testa a cumannu;
vonnu l'òmini servi
senza nervi
e senza sangu
addinucchiàti nto fangu.
Vonnu òmini gnuranti,
òmini chi testi vacanti;
e non òmini veri
chi tàlianu avanti
e ghìsanu banneri;
e non òmini nfatati
chi tàgghianu riticulati
pi canciari a vita
e fari l'òmini frati.
I nganna-populu,cumpagni,
sunnu a vucca du patruni;
e i patruna hannu bisognu
di paralizzati mentali:
di chiddi chi non penzanu
e non mettinu spezii e sali nto ciriveddu
e binzina pi fari caminari a machina.
Hannu bisognu d'analfabeti:
l'analfabeta havi a vista curta,
vidi u nìvuru biancu e u biancu nivuru;
e senza sapillu fa u jocu du patruni.
Hannu bisognu di chiddi
chi non accàttanu mai un quadernu,
mai un libru;
di chiddi chi non legginu
non studianu
e non accattanu u giurnali a matina:
l'armali u stissi fannu, cumpagni,
lègginu nta manciatura.
I patruna hannu bisognu
di chiddi chi lègginu i barzelletti,
di chiddi c'accattanu i fotoromanzi;
ci nn'è assai di chisti.
Ci nn'è assai.
Accattanu i giurnali di scimuniti,
i giurnali di rimbambiti; lègginu
e mentri legginu
pigghianu u suli chi riti:
ballanu a tatarantella.
Ci nn'è assai
vuàtri u sapiti;
ma a curpa non è d'iddi:
è di certi intellettuali
è di certi puliticanti,
ca nun ci l'hannu mai dittu
ca l'omu è veru omu si studia,
si penza,
si critica,
si nventa;
e si cala a testa na vota
e centu voti no.
Non ci l'hannu mai dittu
di leggiri e d'istruirisi;
non ci l'hannu mai dittu
ca pi prugridiri e fari a rivuluzioni
ci voli a ntilligenza:
Gramsci u dicia,
e muriu nto càrciari.
Cumpagni,
cu non leggi e non studia
è un sacco vacanti;
è un mutu,
un surdu
e un sapi nenti.
Sapi sulu cu sunnu
chiddi chi sannu dari càuci o palluni;
e canusci tutti i divi
e tutti i cantanti
ca oggi sunnu vivi
e dumani nte campusanti.
Chistu sapi, chiddu chi non servì;
e non sapi u nomi
di l'omini chi nun morinu mai
e restanu vivi nta storia;
di l'omini cu ciriveddu quantu sta chiazza
e u cori chiù granni du mari:
e si ci dumannati cu fu Verga,
cu foru Vittorini e Quasimodo, non lu sapi;
pruvati, ci pàrinu discursi i foddi.
E nni parra tuttu u munnu,
e nascero sutta stu celu;
e misiru u cori a ncùnia
pi farinni canusciri
e apprizzari nto munnu.
Pruvati, non sapi mancu cu è Guttuso,
u paisanu miu,
ca nni scinni da cruci tutti i jorna
e tutti i jorna spara e farisei
cu punzeddu carricatu a lupara:
un mafiusu da libirtà
sicilianu comu nuàtri.
E nun sapi cu è Leonardu Sciascia,
u scritturi;
ca metti focu nto focu,
e abbagna a penna nto surfaru culatu
e s'abbrucia i manu
pi suffucari l'abusu:
sicilianu di Racarmutu,
ca penna spata e cu pettu scutu.
Ma a curpa non è d'iddi
si non legginu e non studianu
e non canuscinu i granni siciliani, vu dissi.
Non è d'iddi si sciopiranu pa spisa cara,
pu cuntrattu i lavuru,
pi casi pupulari
e pi tanti àutri cosi,
e non sciopiranu mai
p'aviri libri a bon prezzu,
bibliotechi, istituti professionali,
università
e scoli e struzzioni pi tutti.
U gnuranti, cumpagni,
è u cani du patruni:
è un cani manzu,
ci tirati na petra e non abbaia,
ci dati un càuciu e non mùzzica.
Braccianti, compagni, uomini e donne, è arrivato il poeta; vi porto la verità sul palmo della mano, prendetela. La verità leva la sete, allarga il cuore; apre strade e passaggi e insegna la via della libertà, non lo dimenticate. Lo fece Omero il poeta greco tremila anni fa prima di me questo mestiere; lo fece Cristo e morì povero sincero e malvisto. E' come il sole la verità, ma gli inganna-popolo la nascondono, non la dicono, non la predicano nelle piazze; e voi restate all'oscuro, nell'aria vuoti come palloni. Vogliono il voto e il potere eterno gli inganna-popolo; vogliono lavoratori sottomessi che calano e alzano la testa a comando; vogliono gli uomini servi senza nervi e senza sangue inginocchiati nel fango. Vogliono uomini ignoranti, uomini con le teste vuote; e non uomini veri che guardano avanti e alzano bandiere; e non uomini prodigiosi che tagliano reticolati per cambiare la vita e fare gli uomini fratelli. Gli inganna-popolo, compagni, sono la bocca del padrone; e i padroni hanno bisogno di paralizzati mentali: di quelli che non pensano e non mettono pepe e sale nella mente e benzina per fare camminare la macchina. Hanno bisogno d'analfabeti: l'analfabeta ha la vista corta, vede il nero bianco e il bianco nero; e senza saperlo fa il gioco del padrone. Hanno bisogno di quelli che non comprano mai un quaderno, mai un libro; di quelli che non leggono non studiano e non comprano il giornale alla mattina: gli animali fanno lo stesso, compagni, leggono nella mangiatoia. I padroni hanno bisogno di quelli che leggono le barzellette, di quelli che comprano i fotoromanzi; ce n'è assai di questi. Ce ne assai. Comprano i giornali degli scimuniti, i giornali dei rimbambiti; leggono e mentre leggono prendono il sole con le reti: ballano la tarantella. Ce n'è assai, voi lo sapete; ma non è colpa loro: è di certi intellettuali, è di certi politicanti, che non gli hanno mai detto che l'uomo è vero uomo se studia, se pensa, se critica, se ha fantasia; e se cala la testa una volta ma cento volte no. Non gli hanno mai detto di leggere e d'istruirsi; non gli hanno mai detto che per progredire e fare la rivoluzione ci vuole l'intelligenza: Gramsci lo diceva, e morì in carcere. Compagni, chi non legge e non studia è un sacco vuoto, è un muto, un sordo e non sa niente. Sa solamente chi sono quelli che sanno dare calci al pallone; e conosce tutte le dive e tutti i cantanti che oggi sono vivi e domani nei camposanti. Questo sa, quello che non serve; e non sa il nome degli uomini che non muoiono mai e restano vivi nella storia; degli uomini che hanno il cervello quanto questa piazza e il cuore più grande del mare: se domandate chi fu Verga, chi furono Vittorini e Quasimodo, non lo sa; provate, gli sembrano discorsi folli. Eppure ne parla tutto il mondo, e nacquero sotto questo cielo; e misero il cuore all'incudine per farci conoscere e apprezzare nel mondo. Provate, non sa nemmeno chi è Guttuso, il mio compaesano, che ci scende dalla croce tutti i giorni e tutti i giorni spara ai farisei col pennello caricato a lupara: un mafioso della libertà siciliano come noi. E non sa chi è Leonardo Sciascia, lo scrittore; che mette fuoco nel fuoco, e bagna la penna nello zolfo fuso e si brucia le mani per soffocare l'abuso: siciliano di Racalmuto con la penna spada e il petto scudo. Ma non è colpa loro se non leggono e non studiano e non conoscono i grandi siciliani, ve l'ho detto. Non è colpa loro se scioperano per il caro-vita, per il contratto di lavoro, per le case popolari, per tante altre cose, ma non scioperano mai per avere libri a buon prezzo, biblioteche, istituti professionali, università e scuole e istruzione per tutti. L'ignorante, compagni, è il cane del padrone: è un cane mansueto, gli tirate una pietra e non abbaia, gli date un calcio e non morde.
IGNAZIO BUTTITTA 1899 - 1997
